Н.Энхболд: Гишүүдийн тоог нэмбэл өнөөдөр шиг зургаахан гишүүн хууль хэлэлцэхгүй

Үндсэн хуулийн нэмэлт өөрчлөлтийн асуудлаар УИХ-ын гишүүн Н.Энхболдын байр суурийг хүргэж байна.

-Та өнөөдөр хэдэн байнгын хороонд ажиллаж байна?

-Би ер нь гишүүдийн тоог нэмэх тал дээр байгаа. Гишүүдээс янз бүрийн санал гарч байна. Зарчмын нэг юм хэлэхэд тоо нэмэхийн давуу талыг ихэнхдээ ярьж байна. Тухайлбал тоо нэмэх олон давуу тал байна. Түүний нэг нь сая таны асуусанчлан, нэг гишүүн гурван байнгын хороонд харьяалагдаж байх жишээтэй. Хэлэлцэж байгаа нарийн судлах цаг зав хомс, заримдаа хурал нь давхцах зэрэг асуудлууд байдаг. Бусад улс орны туршлагаас харахад гишүүд ерөнхийдөө харьяалагдах байнгын хорооныхоо асуудлаар мэргэшсэн байдаг. Байнгын хороодынхоо тоог цөөлж ч болох талтай.

-Одоо 11 байнгын хороо байгаа ?
Тийм. Зарим гишүүд шүүмжилж байна. Олон байнгын хороо байх хэрэгтэй ч юм уу? төрөлжүүлэх, давхар дээлийг нь арилгах хэрэгтэй гэж. Энэ бол тоо нэмэхээс өмнө гарч байсан яриа шүү дээ. Би бол нэгт тоог нь тодорхой хэмжээгээр нэмэгдүүлэх хэрэгтэй. Ингэснээрээ гишүүд илүү мэрэгших давуу талтай гэж харж байгаа.