Т.Энхтүвшин: 76 гишүүн бид хэт их ачаалалтай ажилладаг, тиймээс тоог нэмэх нь зөв

УИХ-ын чуулганы нэгдсэн хуралдаанаар Үндсэн хуулийн нэмэлт өөрчлөлтийн төслийг хэлэлцэж байна. 

Үндсэн хуулийн нэмэлт, өөрчлөлтөд тусгагдсан гишүүдийн тоог нэмэгдүүлэх заалтыг дэмжиж байгаа эсэх талаар  Үйлдвэржилтийн байнгын хорооны дарга Т.Энхтүвшингээс тодрууллаа.

Тэрбээр " Гишүүдийн тоог нэмэх нь зөв. Яагаад гэвэл Монгол Улсын хүн ам 2 сая орчим байхад 76 гэсэн тоог тооцоолж гаргасан.  Би өөрөө байнгын хорооны дарга, анх удаагаа сонгогдсон гишүүн. Би гурван байнгын хороонд давхар ажилладаг. Гурван байнгын хороонд нэг гишүүн ажиллахад нэлээд төвөгтэй. Чухал хуулийн төслүүдийг бүрэн гүйцэт уншихгүй, гурван байнгын хороогоор орж буй асуудлуудыг бүрэн судлаагүйгээс түүхий хууль, түүхий шийдвэрүүд гарах талтай. Тийм учраас гишүүдийн тоог нэмэгдүүлэх нь зөв. Гишүүдийн тоо хэд байх уу гэдгийг ард түмнээсээ асууна. Улс төрийн намууд бол дэмжиж байгаа. Чанартай тогтоол, хууль баталья гэвэл нэг гишүүн нэг л байнгын хороонд орох нь зөв. Тэгж байж тухайн байнгын хороо мэргэжлийн болно. Одоо бол байнгын хорооны хурлууд байнга хойшлогдож байдаг. Гишүүдийн хурал нь давхцдаг эсвэл гадаад, дотоодод томилолттой байдгаас үүдэж хойшлогдох нь олонтой" гэлээ. Одоо 76 гишүүн хэт их ачаалалттай ажилладаг дээр нь эрх мэдэл өндөртэй. Энэ эрх мэдлийг нь саармагжуулах ёстой" гэлээ.