Л.Энх-Амгалан: Англи хэлийг гуравдугаар ангиас заана, хувийн сургуулиуд хэзээнээс заахаа өөрсдөө шийднэ

Боловсрол, Шинжлэх ухааны сайд Л.Энх-Амгалан бага ангийн сурагчдад Англи хэлний хичээлийг гуравдугаар ангиас эхлэн заахаар төлөвлөсөн тухай мэдээлсэн. 

Салбарын сайдын хувьд хот хөдөөгийн сургууль ялгаагүй чанартай боловсрол эзэмших хэрэгтэй. Боловсролын багц хууль дан ганц англи хэлний асуудал биш. Багш, сурагчийн үнэлгээ гээд олон зүйл байгаа. Манай улс ерөнхий боловсролын 12 жилийн тогтолцоонд орсон атал арванхоёрдугаар ангийн сурагч наймдугаар ангийн боловсролтой төгсөж байна гэдгийг Дэлхийн банк судлаад гаргаад ирлээ. Тэгэхээр бид тогтолцоогоо өөрчлөх нь зайлшгүй болсныг илэрхийлж байна. Дөрвөн жилийн хоцрогдол байна. Хүүхэд анги дэвших тусам сурах сонирхолгүй байна. Үнэлгээний тогтолцоог зөв болгох хэрэгтэй. Аймаг сумын удирдлагуудын үзгээр сургууль, цэцэрлэгүүдийн удирдлагуудыг томилдогоо болих хэрэгтэй. Хуулинд босоо тогтолцоогоор томилдог байхаар тусгаж байгаа" гэсэн юм.