Лу.Гантөмөр: УИХ-ын гишүүдийн тоог нэмэхээс болгоомжилж байгаа нь манай залуус тойрог дээрээ бэлтгэгдээгүй, очиж ажиллаагүйтэй холбоотой

УИХ-ын гишүүдийн тоог 152 болгох дээр АН-ын байр суурь ямар байгааг манай сэтгүүлч тодрууллаа. 

АН-ын дарга Лу. Гантөмөр: Үндсэн хуулийн нэмэлт өөрчлөлт явуулаад есөн сард сонгууль явуулна гэсэн яриа гараад хоёр гурван сар болсон. Ардчилсан нам хоёр, гурван жил бужигнасан. О.Цогтгэрэл даргын хэлсэн санаа бол манай залуучууд тойрог дээрээ бэлтгэгдээгүй байгаа шүү. Очиж ажиллаагүй, тойрог дээрээ уулзалт хийж иргэдтэйгээ ярилцаагүй байна. Хэрвээ энэ үед намар сонгууль болох юм бол эрх баригчдад ашигтай юм биш үү? гэсэн болгоомжлол байна. Нөгөө талдаа 76 тойрог нь тойргоос юм бол жагсаалтад 60/40 гэхээр хэд болж гарч ирэх юм.

Тэгэхгүй бол яг тэнцүү гэдэг чинь өөрөө тогтворгүй байдал дуудаж магадгүй гэсэн болгоомжлол байна. Жишээлбэл, Европын орнуудад тойрог, жагсаалт хоёр нь 50/50 гээд тэнцсэн газраа засаглалын тогтвортой байдал алдагдах, олон намын эвсэл байгуулах гэж хэтэрхий их хугацаа алдах зэрэг эрсдэлүүд байна.

Тиймээс тойгоос сонгогдох гишүүд нь парламентын гишүүдийнхээ 60 хувь нь байг ээ. Чадвал өнөөдрийн байгаа сууриа эвдэхгүй л гэж байгаа юм.