ГЕГ: Гаалийн газрын нягтлангийн гэрээс 60 мянган рубль, 10 үл хөдлөх хөрөнгийн гэрчилгээ хураасан

Гаалийн улсын байцаагчийн гэрээс их хэмжээний алт, валют хурааж авсан эсэх асуудлаар Гаалийн Ерөнхий газраас өнөөдөр тайлбар мэдээлэл хийлээ.

 ГЕГ-ын  Хуулийн хэлтсийн ахлах байцаагч Ч.Тамир "Улс хоорондын шуудан илгээмжийн гаалийн газрын гаалийн улсын байцаагч, нягтлан бодогч С-ийн гэрт хуулийн байгууллагаас үзлэг нэгжлэг хийсэн байна. Хяналт шалгалтын явцад 10 тэрбум төгрөг, 9 кг алт хураагаагүй. 

Хуулийн байгууллагаас авсан мэдээллээр улсын байцаагч С-ийн гэрээс 60 орчим мянган рубль, 10 орчим үл хөдлөх хөрөнгийн гэрчилгээ гарч ирсэн байна. Эдгээрийг ямар эх үүсвэрээс бий болсныг шалгах ажиллагаа үргэлжилж байна.