Х.Ганхуяг: Дэлхий нийт нүүрснээс татгалзаж, нүүрсээр галладаг станцад санхүүжилт олгохоо больсон

Манай улсад хамгийн их хөгждөггүй яг л байран дээрээ гацчихаад байгаа салбар бол Эрчим хүчний салбар болоод байна. Дэлхий нийт нүүрснээс татгалзаж, нүүрсээр галладаг станцад санхүүжилт олгохоо болиод байгаа.

Гэвч манай өнөөх л нүүрсээр галладаг цахилгаан станцаа барина гээд төлөвлөлт гаргаад, төсөв санхүүжилт яриад байх юм. Мөн эрчим хүчний алдагдал 75 тэрбумд хүрсэн байна. Яаж нөхөх вэ гэхээр үнээ нэмнэ гэдэг. Энэ асуудлыг одоо больж нар салхины эрчим хүч, метан хийний эх үүсвэрээр станц барих асуудлуудыг шуурхай судалж төлөвлөлт хийх шаардлагатай юм.
УИХ-ын чуулганы өнөөдрийн /2023.04.28/ үдээс хойшхи хуралдаанаар УИХ-ын гишүүн Х.Ганхуягаас Эрчим хүчний сайдад хандаж “Эрчим хүчний хангамжийн найдвартай байдлын талаар” тавьсан асуулгын хариуг сонслоо. 

Гишүүдийн асуултад хариулт өгөхдөө Эрчим хүчний сайд Б.Чойжилсүрэн "Атомын цахилгаан станцыг нэлээд нухацтай судлах хэрэгтэй.  Эрчим хүчний судалгааны хүрээлэнг судлаад танилцуул гэсэн үүргийг өгсөн байгаа" гэв.