Машинтайгаа хаднаас унаж бэртсэн 34 настай эмэгтэйг болон туслахаар очиж машин нь эвдэрсэн эрэгтэйг эмнэлэгт хүлээлгэн өгчээ

Өмнөговь аймгийн Цогтцэций сумын (Тавантолгой) Сийрст багийн Өгөө хайрхан гэдэг газар /аймгийн төвөөс зүүн зүгт 120 км, сумын төвөөс зүүн зүгт 20 км/-т Иргэн С-ийг  эмнэлэгт хүргэхээр яваад суудлын автомашин нь эвдэрч, төөрсөн тухай дуудлагыг 04.26-ны өдрийн 02:45 цагт хүлээн авсан. Тус аймгийн Онцгой байдлын газрын Цогтцэций сум дахь Онцгой байдлын хэлтсийн Гал түймэр унтраах, аврах 44 дүгээр ангийн алба хаагчдыг очиход тус сумын “Өгөө хайрхан” гэдэг газраас тус сумын чиглэлд иргэн О /38 настай, эрэгтэй, тус сумын харьяат/ “Тоёота Хариер” загварын суудлын автомашинаар хаднаас унаж бэртсэн иргэн С/34 настай, эмэгтэй, тус сумын харьяат/-г эмнэлэгт хүргэхээр яваад төөрч, автомашин нь эвдэрсэн байсан тул тухайн 2 иргэнийг авч сумын төвд хүргэн тус сум дахь сум дундын эмнэлэгт хүлээлгэн өгчээ.

Эх сурвалж: ОБЕГ