Б.Энхбаяр: Манай намын амлалтад ковид нөлөөлсөн

МАН 2016 оны УИХ-ын сонгуулиар дэвшүүлсэн мөрийн хөтөлбөртөө ядуурлыг хоёр дахин бууруулна гэж амалсан. Тэгвэл энэхүү амлалтын хэрэгжилтийг УИХ-ын гишүүн, МАН-ын гишүүн Б.Энхбаяраас тодруулахад тэрбээр "Бид гурав дахь бүрэн эрхээ хэрэгжүүлээд явж байна. Хоёр жил нь ковидын үеийн парламент байлаа. Гишүүд бид бие, биеэ танихгүй шахам байсан. Яагаад гэвэл шинэ их хурал бүрдээд л ковид гараад цахимаар хуралдаж байсан. Нөгөөтэйгүүр манай улс хуурай арал шиг болсон. Урд хөршид нь ковид гарч, удалгүй хойд хөршид нь дайн гарч мөн л хил хаагдсан. Амаргүй нөхцөл байдлыг давж байна. Ковидын хүндрэлийг давахын тулд зах зээлд маш их бэлэн мөнгө тараасан. Үүнээс үүдэж инфляци нэмэгдсэн. Энэ утгаараа манай нам амлалтаа биелүүлэхэд ковид нөлөөлсөн. Л.Оюун-Эрдэнийн Засгийн газар хичээн ажиллаж байна, маш их хулгайтай ч тэмцэж байна" гэлээ.