Г.Занданшатар: Эмийн чанар, хяналт, үнийн асуудалд онцгой анхаарах шаардлагатай

 УИХ-ын чуулганы нэгдсэн хуралдаанаар Эрүүл мэндийн даатгалын Үндэсний зөвлөлийн зарим гишүүдийг чөлөөлж, томилсон. Энэ үеэр УИХ-ын дарга Г.Занданшатар зөвлөлийн гишүүд даатгуулагчдыг төлөөлж буйн хувьд сангийн төсөв, хөрөнгийн үр ашигтай зарцуулалтад анхаарах шаардлагатайг онцолсон юм. Тэрээр, өнгөрсөн хугацаанд аливаа сангуудад хөндлөнгийн хяналт шалгалт тааруу байснаас үүдэлтэйгээр хулгай нүүрлэж ирснийг сануулаад, Эрүүл мэндийн даатгалын сан бол даатгуулагчид, ажиллагсдын шимтгэл, төлбөрөөс бүрддэг тул үндэсний зөвлөл хяналт тавих чиг үүргээ сайтар хангахыг анхааруулав.

 Мөн эмийн чанар, үнийн асуудалд онцгой анхаарал хандуулж ажиллах шаардлагатайг хэлээд нийгмийн эрүүл мэндийн асуудлууд, “Элэг бүтэн Монгол” зэрэг хөтөлбөрүүдэд Эрүүл мэндийн яам, түр хороо зэрэг холбогдох талууд анхаарлаа хандуулахыг гишүүд олонтаа хэлж байгааг УИХ-ын дарга санууллаа