Д.Батлут: ЭМДЕГ хувийн эмнэлгүүдийг илт дэмжсэн ашиг сонирхлын зөрчил гаргаж байна

УИХ-ын Нийгмийн бодлогын байнгын хороо Эрүүл мэндийн даатгалын Үндэсний зөвлөлийн зарим гишүүнийг чөлөөлөх, томилох тухай асуудлыг хэлэлцлээ.

Энэ үеэр УИХ-ын гишүүн Д.Батлут Эрүүл мэндийн даатгалын Ерөнхий газрын үйл ажиллагааг шүүмжилсэн байр сууриа илэрхийллээ. Тэрээр хэлэхдээ “Эрүүл мэндийн даатгалын Ерөнхий газар орон нутгийн эмнэлгүүдтэй гэрээ байгуулахдаа үзүүлж болох зарим тусламж үйлчилгээг жагсаалтаас хасаж байгаа нь хувийн эмнэлгүүдийг дэмжих ашиг сонирхлын зөрчил гэж үзэхээр байна. Мөн эмч нар цалингаа авахын тулд үйлдэл бүрээ цаасан дээр бичих шаардлагыг тус газар тавьж байна. Эмч нар тусламж үйлчилгээндээ л анхаардаг болох хэрэгтэй” гэсэн юм.