Дорнод аймгийн гурван суманд хээрийн түймэр гарчээ

Дорнод аймгийн Дашбалбар сумын Харзат багийн Хөх-Уул” гэдэг газар /аймгийн төвөөс зүүн хойд зүгт 380 км, сумын төвөөс зүүн хойд зүгт 100 км/-т, ОХУ-ын талаас Монгол Улсын хилийн тэмдэгтээр хээрийн гал түймэр 13:00 цагийн орчим хил давж орж иржээ. 

 Дорнод аймгийн Онцгой байдлын газрын даргаар ахлуулсан Гал түймэр унтраах, аврах 53 дугаар анги, Хилийн цэргийн 0275 дугаар ангийн алба хаагчид, Чулуунхороот, Дашбалбар, Гурванзага, Чойбалсан сумын Засаг даргын Тамгын газрын ажилтнууд гал түймрийг унтраах ажлыг зохион байгуулан ажиллаж 04:21-ний өдрийн 03:00 цагт цурамд оруулж, 04:20 цагт бүрэн унтраасан байна. 

Мөн  Баянтүмэн сумын Өлзийт багийн Сүүл нуур гэдэг газар /аймгийн төвөөс зүүн зүгт 70 км, сумын төвөөс зүүн зүгт 85 км/-т хээрийн гал түймэр гарсан тухай дуудлагыг 10:38 цагт хүлээн авч,  мөн өдрийн 22:40 цагт цурамд оруулж, 04.21-ний өдрийн 00:00 цагт бүрэн унтраажээ.Түймэрт урьдчилсан байдлаар хээрийн 25000 га талбай өртөж шатсан байна.

 Түүнчлэн Дорнод аймгийн Чойбалсан сумын Сүмбэр багийн Зүүн-Өлзийт гэдэг газар /аймгийн төвөөс зүүн зүгт 18 км, сумын төвөөс баруун зүгт 32 км/-т, хээрийн гал түймэр гарч, бүрэн унтаажээ.