Ж.Батзандан: Би ганц л гэмт хэрэг үйлдсэн, МАНАН дэглэмийн эсрэг тэмцсэн гэж намайг шоронд хорьсон

Ардчилсан намын үе үеийн удирдлагууд төр нийгмийн нэрт зүтгэлтэн Санжаасүрэнгийн Зориг агсны хөшөөнд цэцэг өргөсөн. УИХ-ын гишүүн асан Ж.Батзандан хүндэтгэл үзүүлэх үеэрээ сэтгүүлчдэд мэдээлэл өглөө. Тэрбээр "Өчигдөр С.Зориг агсны хэрэг эцэслэгдлээ. Б.Содномдаржаа, Т.Чимэгээ нарыг хэлмэгдүүлсэн байна гэдгийг би урьд өмнө хэлж, ярьсаар ирсэн. Магадгүй надаас илүү тэр хоёрыг эргэсэн хүмүүс байхгүй байх. Тэд цагаадлаа. Үнэн ялдаг юм. Тэдний гэр бүл үр хүүхдэд сайн сайхныг хүсье. Нөхөн олговрыг өгөх ёстой. Өнөөдөр шүүр ажиллагааг явуулж байгаа нөхдүүд удахгүй өөсрдөө шүүрдэгдэнэ. Би нэг л гэмт хэрэг хийсэн МАНАН мафийн эсрэг тэмцсэн явдал" гэв.