С.Чинзориг: Эцэг эх нь хүүхдийнхээ шүдийг эмчлэхгүй байгаа учраас төр 5 тэрбум төгрөг зарцуулахаас өөр арга алга

“Шүд” үндэсний хөтөлбөр талаар, Эрүүл мэндийн сайд Чинзоригоос тодрууллаа. 0-17 насны хүүхдүүдийн шүдэнд нэг удаа фторт түрхлэг түрхэх болсон. Энэ бол эцэг эхчүүдийн үүрэг гэж олон нийт хараад байгаа шүү дээ?

 Ер нь иргэдээ өвчлөхөөс нь өмнө урьдчилан сэргийлэх, эрт илрүүлэх, оношлох арга хэмжээг засгийн газраас барьж ажиллаж байгаа. Өнгөрсөн жилээс бид урьдчилан сэргийлэх, эрт илрүүлэгт иргэдээ хамруулж байна. Эрт илчүүлгээр хүүхдүүдийн маань 61 хувь нь шүд цооролтой гарсан. Тиймээс засгийн газраас энэ дээр арга хэмжээ авах ёстой гэж үзсэн. Ерөнхий сайд ч бас үүрэг өгсөн. Энэ хүрээнд хоёр талын арга хэмжээ авна.

Хоёрдугаарт: Нэгэнт хүүхдүүдийн шүд цооролт 91 хувьтай байгаа бол цоорсон шүдийг нь эмчлэх арга хэмжээ авна. Энэ бол 2023 онд авч хэрэгжүүлэх ажил. Энэ хүрээнд эрүүл мэндийн дэд сайдаар ахлуулсан ажлын хэсэг гараад ажиллаж байгаа.

Хүүхдүүдийн амны хөндийн эрүүл мэндийг сахин хамгаалах, гол нь шүдэнд нь өнгөр тогтоохгүйгээр сэргийлэх, шүдний угаалтыг нэмэгдүүлэх арга хэмжээ авах ёстой.

Тооцоолол нь хэрхэн гарсан юм бол?

Фторт түрхлэгийн хувьд 5 тэрбум төгрөг шаардлагатай. Эх үүсвэрийг нь эрүүл мэндийн даатгалын сагаас гаргахаар ярьж байна. Эрдэмтэн судлаачдын хэлж байгаагаар хүүхэд бүрийг фторт түрхлэгт хамруулж болохгүй гэж байгаа. Учир нь тухайн орон нагийнх нь усны агуулга дахь фторын хэмжээ өндөр газруудад энэ түрхлэг сөрөг нөлөөтэй гэж байгаа. Тиймээс Дархан, Дорнод, Баянхонгор гэсэн аймгуудын хүүхдүүдийг фторт түрхлэгт хамруулахгүй байх талаар төлөвлөж байна. Хоёрт, 2024 оны төсөвт хүүхдийн амны хөндийн эрүүл мэндийг сахин хамгаалах тал дээр “Шүд” хөтөлбөр хэрэгжүүлж зардлыг нь төсөвт тусгахаар ажиллаж байна.