Х.Нямбаатар: Гадаад улсад оргон зайлсан этгээдийн талаар мэдээлэл өгвөл $10,000-аар урамшуулна

Гэмт хэрэг үйлдээд хэрэг бүртгэлд мөрдөн байцаалтын шатанд оргон зайлсан тэр дундаа гадаад улсад ажиллаж, амьдарч байгаа этгээдийн тухай үнэн бодит мэдээлэл Засгийн газрын 1111 төвийн утсаар баталгаажвал 10 мянган ам.доллараар урамшуулах шийдвэр гарсан тухайн Хууль Зүйн сайд Х.Нямбаатар хэллээ. 

Энэ үеэр Шувуу ажиллагааны хүрээнд Унгар улсаас иргэн Ж.Төгсбаяр, БНСУ-аас иргэн П.Болортуяа нар байцаагчтайгаа холбогдож эх орондоо ирж шалгуулах хүсэлтээ илэрхийлж, ирээд байна гэдгийг хэллээ. 

Түүнчлэн БНСУ-аас хэд, хэдэн хүнийг тус улсын хууль сахиулагчидтай хамтарч албадан ирүүлэх ажлууд хийгдэж байна. Нэрсийг одоогоор хэлэх боломжгүй гэв.