САНАХ ОЙ: Шударга тавыг эргэн саная...

МАНАН-г устгах зорилго дор нэгдэн идэр есийн хүйтнийг ч үл ажран жагсаж явсан таван гишүүнийг эргэн саная. Өнөөдөр зөөлөн суудалд тухалж байгаа тэд тухайн үед Монголчуудад шударга ёс, баялгийн тэгш хуваарилалтыг амлаж байсан тэд ард түмнээсээ хулгай хийсэн нь ил болоод эхэллээ. Шударга тавын нэг Т.Аюурсайхан нүүрсний хулгайн хэргээр албан тушаалаа өгсөн бол Батзандан Хөгжлийн банкны асуудлаар шалгагдаад байгаа юм.

2019 оны 1 дүгээр сарын 29-ний өдөр М.Энхболд УИХ-ын даргаас чөлөөлөгдсөнөөр “МАНАН дэглэмийн эсрэг Монгол түмний нэгдэл” гэх сүржин нэртэй жагсаал өндөрлөж, үүний араас шударга таван гишүүн шагналаа авбуу гэлтэй албан тушаалд томилогдож эхэлсэн юм.

Л.Оюун-Эрдэнэ ЗГХЭГ-ын дарга, МУ-ын ерөнхий сайдаар, Х.Нямбаатар Хууль зүй дотоод хэргийн сайд, Аюурсайхан УИХ-ын дэд дарга, ХНХ-ын сайд, Л.Болд Бельгийн хаант улсад элчин сайдаар, Ж.Батзандан Монгол Улсаас Австрали улсад суух элчин сайдын зөвлөхөөр тус тус томилогдсон юм.

Ард түмэнд өгсөн амлалтаа албан тушаалаар сольсон тэд өөрсдөө иргэдийн боломжоос хулгайлж хөгжлийн банк болон нүүрсний гэх томоохон хэргүүдэд холбоотой болох нь ил болж эхнээсээ шалгагдаад байна.