Лифтэнд бусдыг бүлэглэн зодсон охидыг олж, тогтоожээ

Цагдаагийн байгууллагад 2023.04.08-ны өдрийн 10.36 минутанд “Лифтэнд олуулаа суулаа” хэмээн шаардлага тавьсаны төлөө намайг зодлоо гэх дуудлага, мэдээлэл бүртгэгдсэн байна.

Дуудлага, мэдээллийг шалгахад Сонгинохайрхан дүүргийн 38 дугаар хороо Залуус хорооллын байрны оршин суугч иргэн У лифтэнд олуулаа суулаа гэж шаардлага тавихад 3-4 охидууд бүлэглэн бие эрх чөлөөнд нь халдаж, зугтсаныг СХД-ийн цагдаагийн газрын нэгдүгээр хэлтсээс хэрэг бүртгэлтийн хэрэг нээн хохирогчийн биед учирсан гэмтлийг тодорхойлуулахаар шинжээч эмчийг томилон иргэний бие, эрүүл мэндэд  халдсан гэх 3 эмэгтэйг олж тогтоон шалгалтын ажиллагааг үргэлжлүүлж байна гэж Цагдаагийн Ерөнхий газраас мэдээллээ.