Г.Занданшатар: Хуулийг өглөө нь өргөн бариад өдөр нь баталдаг баймааргүй байна

УИХ-ын нэгдсэн хуралдаан /2023.04.05/ үргэлжилж байна. Хуралдаанаар УИХ-ын гишүүн Ш.Адьшаа "Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай" хуулийг ЗГ-аас өргөн бариад гурван долоо хоног болоход өнөөдрийг хүртэл уг хуулийн төслийг оруулж ирэхгүй байна. Энд ямар ашиг сонирхол байна вэ, том дарга нарын эрх ашиг тэр дундаа Б.Энхбаяр, Г.Занданшатарт асуудал байна уу" хэмээн чуулганы танхимд үгээ хэллээ. 

Гишүүний асуултад УИХ-ын дарга Г.Занданшатар "Хууль санаачлагч нь ЗГ, уг хуулийг дөрөвдүгээр сарын 13-нд хэлэлцэхээр болсон. Учир нь Засгийн газрын тэргүүн өөрөө оролцох хүсэлтээ илэрхийлсэн байгаа. Үүнийг харгалзан үзэх ёстой. Хуулийг өглөө нь өргөн бариад өдөр нь баталдаг баймааргүй байна. Гишүүдэд уншиж танилцах боломж олгох хэрэгтэй. Гишүүд хуулиа сайн уншиж, судла" гэлээ.