УИХ: Эрдэнэсийн санд 1 их наяд төгрөгийн үнэт өв хадгалагдаж байна

УИХ-ын чуулганы өнөөдрийн /2023.03.31/ нэгдсэн хуралдаанаар  Монгол Улсын эрдэнэсийн сангийн үндсэн сангийн орлого, үндсэн болон гүйлгээний сангийн зарлагын 2023 оны төсвийн тухай УИХ-ын тогтоол /Монголбанк 2022.12.30-ны өдөр ирүүлсэн/ -ын төслийг хэлэлцлээ. 

Монголбанкнаас төслийг “маш нууц” тэмдэгтэй ирүүлсэн боловч 2022 оны дөрөвдүгээр сарын 22-ны өдөр Төрийн болон албаны нууцын тухай хуульд оруулсан өөрчлөлтийн дагуу эрдэнэсийн сангийн асуудал төрийн нууцаас хасагдсан, Төрийн болон албаны нууцын тухай хуулийн 19 дүгээр зүйлийн 19.1.3-т “тухайн мэдээллийг төрийн болон албаны нууцад хамаарахгүй болгосон хууль батлагдаж хүчин төгөлдөр болсон” үндэслэлээр ил болгохоор заасны дагуу энэхүү тогтоолын төслийг нээлттэй хэлэлцэв. 

Монгол Улсын Эрдэнэсийн сан 2022 онд 22.9 тонн үнэт метал худалдан авч, гадаад валютын улсын нөөцийг 878 сая ам.доллароор нэмэгдүүлжээ. 

Энэ үеэр УИХ-ын гишүүн Б.Дэлгэрсайхан:

Монгол банк мөнгөний бодлогоо яаж гаргаж байна. Энэ банкны ганц үүрэг бол хувийн аж ахуй нэгж компаниудыг удирддаг. Гэтэл энэ компаниуд мөнгө байхгүй дампуурлаа. Яагаад зээл олгохгүй байна вэ. Өвөл болоод цас ордог гэдэг шиг хавар болж том бүтээн байгуулалт эхлэх гээд олон хүмүүс мөнгө байхгүй суусан, та нар үүнийг мэдэж байгаа. Урд хөрш улс маань 3 жил хилээ хааж байгаад одоо зээл олгож аж ахуй нэгжээ дэмжиж байна.