УЕПГ: Төмөр замчин П.Эрдэнэчулууны зодуулсан гэх хэргийг энэ сарын 29-нд шүүх рүү шилжүүлсэн

2022 оны наймдугаар сарын 06-нд УБТЗ-ын 2-р ангийн 19-р хэсэгт замчнаар 22 жил ажилласан П.Эрдэнэчулуун нь хэсгийн дарга н.Готовдоржийн хүү Г.Хосбаярт зодуулж, ухаангүй байдалтай байна. П.Эрдэнэчулуун нь зургаан хүүхэдтэй бөгөөд дунд хүү нь аавынхаа эмийн мөнгийг олохын тулд зөөгч хийж байгаа юм. 

Бичлэгээр үзэх:

Хохирогчийн ар гэрийнхэн энэхүү хэргийг Прокурорын байгууллага дээр 9 сарын турш шалгагдаад шүүх рүү шилждэггүй гэх мэдээллийг өгсөн. Уг асуудлаар Улсын Ерөнхий Прокурорын газраас тодрууллаа. 

"Багануур дүүргийн прокурорын газраас Улаанбаатар төмөр замын аж ахуйн албаны хөдөлмөрийн аюулгүй байдал хариуцсан инженер Х нь Багануур дүүргийн Замын хоёрдугаар ангийн 19 дүгээр хэсэгт замчин ажилтай Э-г “Аавтай нь маргалдсан” гэх шалтгааны улмаас зодож, эрүүл мэндэд нь хүнд хохирол учруулсан гэх хэрэгт Эрүүгийн хуулийн 11.1 дүгээр зүйлийн 1-т зааснаар яллах дүгнэлт үйлдэн, тус дүүргийн Эрүүгийн хэргийн анхан шатны шүүхэд 2023 оны 3 дугаар сарын 29-ний өдөр шилжүүлсэн.Шүүхээс Х-д холбогдох хэргийг хянан хэлэлцэж, гэм бураатай эсэхийг шийдвэрлэх болно" гэв.