ЦЕГ: Таксины жолоочтой хамт явсан иргэний амь насыг хохироогоод жолоочид халдахаар завдсан этгээд согтуу байсан

Хан-Уул дүүргийн нутаг дэвсгэрт хүний амь нас хохироож, таксины жолоочид халдсан этгээдийн үйлдлийг цагдаагийн алба хаагчид шуурхай таслан зогсоосон тухай өнөөдрийн хэвлэлийн хурлаар мэдээллээ.  Тодруулбал: "2023 оны 03 дугаар сарын 28-ны өдрийн 14 цаг 40 минутын үед иргэн “Г” нь дүү “Б”-ийн хамт такси үйлчилгээнд явж байх үед Баянгол дүүргийн нутаг дэвсгэрээс Хан-Уул дүүргийн нутаг дэвсгэрт хүргүүлэхээр үйлчлүүлсэн 45 настай, эрэгтэй “Б” гэгч нь Хан-Уул дүүргийн 20 дугаар хорооны нутаг дэвсгэрт зорчих үедээ жолоочийн хамт явсан 25 настай, эрэгтэй “Б”-ийн биед хутгаар зүсэж амь насыг нь хохироон, улмаар жолооч “Г”-ийн биед халдахаар хөөж байх үед нь тус дүүргийн цагдаагийн алба хаагчид таслан зогсоож саатуулан мөрдөн шалгах ажиллагаа явуулж байна. 

Гэмт этгээдийг цагдан хорьсон бөгөөд уг хэргийг үйлдэхдээ согтууруулах ундааны зүйл хэрэглэсэн нь тогтоогдсон. Гэмт хэрэг үйлдэгдсэн шалтгаан, нөхцөлийг мөрдөн шалгах ажиллагааны явцад тогтооно" гэлээ.