ЦЕГ: Багануур дүүрэгт 43 настай эрэгтэйг зодсон “Х”-ийн хэргийг 3-р сард Прокурорын байгууллагад шилжүүлсэн

2022 оны наймдугаар сард Багануур дүүрэгт байх УБТЗ-ын 2-р ангийн 19-р хэсгийн дарга шагнагдсан тул ажлаараа тэмдэглэхээр амралтад явжээ. Тэдэнтэй УБТЗ-даа “замчин”-аар 22 жил ажиллаж байгаа 43 настай П.Эрдэнэчулуун хамт явсан. 19-р хэсгийн даргын хүү нь ч мөн төмөр замд инженерээр ажилладаг бөгөөд архидан согтуурсан үедээ П.Эрдэнэчулууныг өөрийнх нь нэрийг хэлсний төлөө "чи надруу томорлоо" хэмээн зоджээ. Улмаар П.Эрдэнэчулуун тархиндаа хүнд гэмтэл авч хоёр удаагийн хагалгаанд орсон ч гуурсаар хооллож, өөрийн ухаангүй байдалтай, хэвтэрт ороод байгаа юм. П.Эрдэнэчулууны хэрэг цагдаа, шүүхээр шийдэгдэхгүй 9 сар болж байгаа бөгөөд Прокурорт очоод гацчихдаг учир ар гэр нь эргэлзээтэй бас айдастай байгаагаа илэрхийлж байгаа юм. Дарга, даргын хүү хоёрыг УБТЗ-аас халж арга хэмжээ авсан ч хүний эрүүл мэндэд учруулсан үйлдлийг нь 9 сарын турш хууль хяналтынхан шийдээгүй байна.

Бичлэгээр үзэх: 

Харин ЦЕГ-аас өгсөн мэдээллээр хэргийг 9 сарын туршид шалгаж байгаад 3-р сарын 01-нд Прокурорын байгууллагад шилжүүлсэн хэмээн мэдээлэв.

ЦЕГ-ын хэвлэл мэдээллийн төвийн дарга Г.Мөнхбаяр: 2022 оны наймдугаар сарын 16-нд ар гэрийнхэн нь Цагдагийн байгууллагад уг асуудалтай холбогдуулан өргөдөл гаргасан. Нийслэлийн Багануур дүүргийн 5-р хорооны нутаг дэвсгэрт байрлах амралтын газарт бусдад зодуулсан гэх гомдол гаргасан учраас Цагдаагийн байгууллагаас 2022 оны 09дүгээр сарын 05-ны өдөр Эрүүгийн хуулийн 11-р зүйлийн 1-т зааснаар "бусдын биед хүнд гэмтэл учруулсан" гэх зүйл ангиар хэргийг шалгаад 2023 оны 3-р сарын 01-ны өдөр Прокурорын байгууллагад шүүхэд шилжүүлэх саналтай хүргүүлсэн. Хэрэгт холбогдуулан "Х" гэгчийг шалгаж байгаа.

Бичлэгээр үзэх: