“МАК Цемент” ХХК Хөгжлийн банкны зээлээ төлж дуусгажээ

Хөгжлийн банкнаас “МАК Цемент” ХХК-д нийт 70.9 сая ам.долларын санхүүжилт олгосон бөгөөд төсөл амжилттай хэрэгжсэн гэж дүгнэсэн байна. Мөн “МАК Цемент” ХХК нь зээлийн эргэн төлөлтөө 1.5 жилийн өмнө дуусгаж байгаа юм байна.

“МАК Цемент” ХХК нь Дорноговь аймгийн Даланжаргалан сумын нутагт “Хөх цав” хэмээх шохойн чулууны ордод түшиглэн жилдээ нэг сая тонн цемент үйлдвэрлэх хүчин чадалтай цементийн үйлдвэрийн төслийг 2012 оноос хэрэгжүүлж эхэлсэн. Монгол Улсын Хөгжлийн банкнаас санхүүжилт олгосноор төслийн бүтээн байгуулалтын ажлыг бүрэн хийж, 2017 оноос эхлэн бүтээгдэхүүн үйлдвэрлэж Монгол Улсын зах зээлд нийлүүлж байна. Сүүлийн жилүүдэд үйлдвэрийн хүчин чадлын 70-85 хувийг ашиглан бүтээгдэхүүн үйлдвэрлэж хэрэглээний 50-60 хувийг хангаж байгаа аж.