Кино урлагийн салбарт гялалзаж буй ах, дүү хоёр

Сүүлийн үед Монгол кино олон улсын чанартай наадмуудад амжилттай оролцох болсны нэг нь “Эргэж ирэхгүй намар” киног нэрлэж болно.  

Африк, Латин Америк, Ази гурван тивийн дунд зохиогддог 32 дахь “Fescaaal” фестиваль энэ сарын 18-26-ны хооронд Итали улсад болсон билээ.Уг фестивальд “Эргэж ирэхгүй намар” кино “Audience awards” буюу “Үзэгчдийн нэрэмжит шагнал” хүртсэн байна. Мөн MiWorld Young Film Festival-с “BIG ZEBRA” шилдэг киноны шагнал болон тус тус хүртжээ.

Мөн энэ сарын 17-26-ны хооронд зохиогдсон Швейцар улсын FIFF, Festival International du Film de Fribourg Фрибургийн олон Улсын кино наадмын "Special mention-Best Actor” шилдэг дүрийн шагналыг Түнтүүлэйгийн дүрд тоглосон Гарамхандын Тэнүүн-Эрдэнэ хүртжээ.

Дээрх кино наадмуудад өнгөрсөн онд Каннын кино фестивальд амжилттай оролцсон “PLAN 75”, мөн Венейцийн кино наадамд амжилттай оролцсон “World war 3” зэрэг олон улсад хэдийнээ өндрөөр үнэлэгдсэн бүтээлүүдтэй өрсөлдсөн байна. Г.Тэнүүн-Эрдэнэ тус кинонд есөн настайдаа тоглосон бөгөөд монгол хүүхэд олон улсын наадамд шилдэг жүжигчнээр шалгарсан анхны тохиолдол болж байгаа юм байна.  Зургаан настайдаа  “Гэрлэн дохио” кинонд анх тоглож дараа нь  “Илд цэцэг” УСК, “Бүсгүйчүүд хайрыг хүснэ” ОАК,  “Солиот Эх” УСК,  “Хэвтрийн хүн” УСК,  “Тэгри Чину” ОАК “Эргэж ирэхгүй намар” зэрэг арав гаруй кинонд гол болон туслах дүр бүтээжээ. 

Хамгийн сүүлд  “Алдагдсан өдрүүд” УСК-д тоглосон бөгөөд уг кинонд тус кино нь ирэх тавдугаар сард нээлтээ хийх юм.

Түүний ах Г.Дөлгөөн-Эрдэнэ оскарын шагналт жүжигчин Марк Реланс, Жонни Дип,  Роберт Паттинсон нартай мөр зэрэгцэн кинонд тоглож холливүүдэд мөрөө гаргаж байсан бол дүү Г.Тэнүүн-Эрдэнэ олон улсын кино наамдаас шилдэг жүжигчнээр шалгарч гэр бүлдээ дахин нэг түүх нэмлээ.