Төрийн үйлчилгээтэй холбоотой асуудлаар 919 иргэн ханджээ

Өнгөрөгч долоо хоногт аймгийн Төрийн үйлчилгээний нэгдсэн төвд найман иргэн хандаж, төрийн үйлчилгээтэй холбоотой санал, гомдлоо илэрхийлсэн байна. Тухайлбал, Арвайхээр сумын ЗДТГ, БШУГ, МХГ, Онги ус суваг ОНӨҮГ-ын ажилтан, албан хаагчидтай холбоотой гомдол ирснийг тухайн байгууллагууд рүү хүргүүлсэн бөгөөд одоогоор нягтлах, шалгах шатанд яваа аж.

Мөн өнгөрөгч долоо хоногт тус төвөөр 919 иргэн үйлчлүүлсэн ба иргэний бүртгэлийн асуудлаар 194, халамжийн үйлчилгээгээр 125, хөдөлмөр эрхлэлтээр 5, газар олголттой холбоотойгоор 456, лавлагаа, мэдээлэл авах хүсэлтэй 132 иргэн хандсан байна.

Аймгийн хэлтэс, албадын дарга нарын шуурхай хуралдаанаар иргэдээс ирүүлсэн санал хүсэлт, гомдол мэдээлэлтэй танилцаж, тухайн байгууллагуудад тодорхой үүрэг чиглэл өглөө.