Зариг Лондон хотоос: Ерөнхий сайд асан, УИХ-ын гишүүн Сү.Батболдын 42 тэрбумын өртөгтэй тансаг харштай танилц

Их Британийн Дээд шүүхээс Монгол Улсын Ерөнхий сайд асан Сү.Батболдыг 11 сая фунт стерлинг буюу 42 тэрбум төгрөгөөр Лондонд Марк Пеллинг Найтсбриджийн хорооллын орон сууц худалдаж авсан, харин уг орон сууцыг шилжүүлэх боломжгүй гэсэн шийдвэр гарч битүүмжилсэн байдаг. 

Лондон дахь Харродс ба Хайд Паркийн хооронд байрладаг уг байр нь 2005 онд Хонконгийн магнат Хенри Ченгийн бүтээсэн 201 айлын "Найтсбридж" (Knightsbridge) орон сууцны цогцолборын нэг хэсэг юм. 

Лондонгийн төв цэгт байрлах “The Knightsbridge Apartments” нь 10 давхар тансаг зэрэглэлийн орон сууц. Лондон хотод үл хөдлөхийн үнэ өндөр бөгөөд хамгийн доод тал нь 3 тэрбумаас эхэлдэг аж. Уг байр нь хотын А зэрэглэлд багтдаг, нэг үгээр хэлвэл баячууд амьдардаг бүст байрладаг гэсэн үг. 

Ийнхүү манай улсын экс Ерөнхий сайд Сү.Батболд хотын төвд баян Арабуудтай айлсжээ.