ЧУУЛГАН: Х.Нямбаатар, Г.Тэмүүлэн нар маргалдав

УИХ-ын үдээс өмнөх чуулганы хуралдааны үеэр Хууль тогтоомжийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцэхийг нь дэмжсэн.  

Хуулийн төслүүдийг Засгийн газраас 2022 оны арван нэгдүгээр сарын 30-ны өдөр Улсын Их Хуралд өргөн мэдүүлсэн бөгөөд харьяалах Байнгын хороо 2022 оны арван хоёрдугаар сарын 20-ны өдрийн хуралдаанаараа хэлэлцээд дэмжсэн ч чуулганы нэгдсэн хуралдаанаар 2022 оны арван хоёрдугаар сарын 23-нд хэлэлцэх эсэхийг шийдвэрлэх үеэр Улсын Их Хурлын тухай хууль, гишүүдийн хууль санаачлах эрхийн хүрээ хязгаарт нийцүүлэх тухай санал гаргасан тул хуулийн төслийг татан авсан юм. Улсын Их Хурлын гишүүдийн саналын тусган дахин боловсруулсан төсөлд хууль тогтоомжийг боловсронгуй болгох үндсэн чиглэлийг Засгийн газар батлаад, Улсын Их Хуралд зөвхөн танилцуулдаг байх, мөн хуулийг анх батлах үед товч болон дэлгэрэнгүй танилцуулга боловсруулж, хожим тухайн хуулийг хэрэглэх явцад ойлгомжгүй нөхцөл байдал үүсвэл дэлгэрэнгүй танилцуулгад дурдсан тайлбарыг ашигладаг байх зохицуулалтыг тусгаад байгаагаа Хууль зүй, дотоод хэргийн сайд Х.Нямбаатар танилцуулсан. 

Хуулийн төсөлтэй холбоотойгоор ХЗДХ-ийн сайд Х.Нямбаатар, Төсвийн байнгын хорооны дарга Г.Тэмүүлэн хоёр маргалдсан юм.