Х.Ганхуяг: Гаалийн байгууллага Зөвшөөрлийн хуулийн өөрчлөлт огт сонсоогүй гээд хүний витамин хурааж аваад байж болохгүй

Өнгөрсөн оны 6-р сард Зөвшөөрлийн тухай хуулийг батлуулж төрөөс олгож байгаа 1600 гаруй зөвшөөрлийн тоог тав дахин бууруулсан. Гэтэл хууль хэрэгжиж эхлээд 3 сар болж байхад гаалийн байгууллага бид нар тийм хуулийг мэдэхгүй гээд хүний бараа бүтээгдэхүүн хурааж аваад зогсож байна гэх гомдол ирлээ. Монгол улсын хилээр “Витамин” оруулж ирэхэд зөвшөөрөл шаардахгүй болсон. Олон улсын шаардлагыг хангасан витаминыг оруулахад зөвшөөрөл хүсэж бичиг цаас болж яваад байх нь иргэдэд хүндрэлтэй. Тиймээс хуулиар зөвшөөрөлгүй нэвтрүүлж хэрэглэх боломж бүрдсэн гэдгийг иргэд мэдээд байхад гаалийн байгууллагын албан тушаалтнууд сонсоогүй гээд сууж байдаг байж болохгүй зүйл. Хууль хэрэгжүүлж ажиллах шаардлагыг шат шатанд тавих болно.