ЗТХ-ийн дэд сайд Л.Халтар: Би Монголын төрд шударга, зарчимч ажиллаж байгаад л дуусна

С.Батдөлийн хэрэгт холбогдуулан Зам тээвэр хөгжлийн дэд сайд Л.Халтарыг АТГ-аас шалгаж байгаа талаар мэдээллээд байгаа билээ. Тэгвэл түүнээс уг асуудлын хүрээнд тодрууллаа.

Зам тээвэр хөгжлийн дэд сайд Л.Халтар: Би 2021 оноос эхлээд та нарын анхаарлын төвд орсон. Хил хаагдахад л машины тээвэрт намайг оролцож байна гэж намайг гүтгэсэн. Тэрний дараа Хятад Монголын хил хаагдаад нээгдэх үед хилийн боомт дээр чингэлэг тээвэр зохион байгуулж баяжих гэж байна гэж баахан хэлсэн. Миний хувьд зарчим бариад шудрага төрийн төлөө зүтгэж байгаа нь зарим хүнд таалагддаггүй юм шиг байгаа юм. Намайг нүүрсний хэрэгт холбогдуулж байцаасан зүйл нэг ч болсонгүй. Асуухгүйгээр яллах дүгнэлт гаргаад явдаг нь тийм юм байлгүй. Манай эхнэрийг бас С.Батдөлийн дарга нь байсан гэж нэг хэсэг бичлээ.  Дараа нь С.Батдөлийн асуудал сөхөгдсний дараа манай эхнэрийн гарын үсгийг хуурамчаар үйлдээд гаргаж явуулсныг эхнэр маань цагдаад мэдүүлсэн. Манай эхнэр 2022 оны 12 сарын 22-нд ээлжийн амралтаа авсан. Тэр нэг янз бүрийн хурал нь 12 сарын 23-нд болсон юм шиг байгаа юм. Тэрэн дээр нь гарын үсгийг нь хуурамчаар үйлдчихсэн байсан. Манай эхнэр бид хоёр хоёулаа төмөр замын сургуулийг төгссөн. 1992 оноос эхлээд Төмөр замд ажиллаж нийт 30-аад жил ажиллахдаа нэг ч дарга гэдэг албан тушаалд томилогдож үзээгүй. Тийм учраас намайг муухай харагдуулахын тулд хийж буй үйлдэл. Манай эхнэрийг нэг удаа дуудаж байцаалт авсан нь хуурамчаар гарын үсгийг нь ашигласан гэх асуудлыг мэдүүлсэн нь тэр байсан.

Бичлэгээр үзэх: