Гурван настай хүү зодуулсан байж болзошгүй эмнэлэгт хүргэгдсэн хэргийн талаар ЦЕГ-аас мэдээлэл хийнэ

Энэ сарын 08-ны өдөр ГССҮТ-д гурван настай хүүгийн биеийн байдал маш хүнд хүргэгдсэн. Хүүг хойд эцэг нь зодсон байж болзошгүй бөгөөд уг хэргийн талаар ЦЕГ-аас 11:00 цагт мэдээлэл хийхээр болжээ.

Хүүгийн биеийн байдлын талаар ГССҮТ-ийн эмнэлгийн тусламж үйлчилгээ хариуцсан дэд захирал мэдээлэл хийхдээ:

- Өнгөрөгч гуравдугаар сарын 8-ны өдрийн 09.40 цагийн үед шалтгаан нь тодорхойгүй бэртэлтэй гурван настай хүүхэд хүргэгдэн ирсэн. Хүүг ирсэн даруйд яаралтай хүлээн авах тасгийн эмч ажилчид үзлэг шинжилгээг хийхэд биеийн байдал нь маш хүнд, хавсарсан хүнд гэмтэлтэй, зөөлөн эдийн бяцралттай, сээр нурууны гуравдугаар нурууны хугаралттай, тархины гэмтэлтэй ирсэнийг эрчим эмчилгээний тасагт амьсгалын аппаратанд оруулж эмчилгээг хоёр дахь өдрөө хийж байна. Нарийн мэргэжлийн шинжилгээг ЭХЭМҮТ-тэй хамтарч хийсэн. Хүүхдийн шулуун гэдэсний орчим зөөлөн эдийн бяцралт гэмтэл ихтэй гэсэн онош тодорсон байгаа. Биеийн байдал маш хүнд байна. Амьсгалын аппаратанд байгаа. Зүрх судасны дэмжлэгтэй байна гэсэн үг.  Шаардагдах бүхий л тусламж үйлчилгээг үзүүлж байгаа. Эмчийн анхан шатны үзлэгээр зодуулсан байх гэж харж байна. Цаашид бусад шинжилгээ оношлогоогоор нарийвчилсан зүйлсийг тогтоох боломжтой" гэв.