Орцны жижүүр: 3 настай хүүг 06-нд зодоод 08-нд эмнэлэгт хүргэсэн гэж зарим хүмүүс яриад байна лээ

Цагдаагийн байгууллагад 2023 оны 03 дугаар сарын 08-ны өдөр ГССҮТ-өөс “Гэмтлийн эмнэлэгт бага насны хүүхэд биедээ ил харагдах гэмтэлтэй, ухаангүй байдалтай ирсэн” гэх мэдээлэл ирсэн байдаг. 

Шалгалтын явцад 3 настай, эрэгтэй Б-г төрсөн эх Л, түүний хамтран амьдаргч Э нар эмнэлгийн байгууллагад хүргэсэн бөгөөд Л-ийн хамтран амьдрагч 34 настай, эрэгтэй Э нь эмнэлэгийн байгууллагад хүргэсний дараагаар зугтаасан тухай бид мэдээлсэн. Хохирогч хүүгийн биеийн байдал хүнд, одоогоор ухаангүй эмнэлгийн байгууллагад эмчлэгдэж байгаа юм. 

Орцны жижүүр, хорооны хэсгийн төлөөлөгчийн мэдээлснээр хүүг 03 сарын 06-нд зодоод 08-нд эмнэлэгт хүргэсэн гэх зүйлийг хэлсэн. Мөн гурван настай хүү нэг ахтай бөгөөд ах нь бага ангийн сурагч гэх мэдээлэл байгаа юм. Хүүгийн ахыг ээжийнх нь өвөө, эмээ хамгаалалтдаа авчээ.