УИХ-ын гишүүн асан Ж.Батзандан БНСУ руу явжээ

Өнгөрсөн оны төгсгөлд Хөгжлийн банкны хэргээр шалгагдан, цагдан хоригдоод суллагдсан УИХ-ын гишүүн асан Ж.Батзандан энэ оны хоёрдугаар сарын 11-ний өдөр БНСУ руу яваад одоогоор Монголдоо ирээгүй байна. 

Түүнийг эрх мэдэлтнүүдэд нөлөөлж, өөрийн зөвлөх  Г.Аюулгүйдээ Хөгжлийн банкнаас зээл авахад нь нөлөөлсөн гэж үзэн шалгаж буй. Тодруулбал, Г.Аюулгүй Капитал банкнаар дамжуулан зээлсэн 12.6 тэрбум төгрөгийн зээлээ төлөөгүй, улмаар тус банкийг дампууруулахад нөлөөлсөн. Мөн түүнийг зээл авахад Ж.Батзандан нөлөөлсөн зэрэг үндэслэлээр тэднийг хоёр сарын хугацаанд цагдан хорьж, өнгөрсөн оны арванхоёдугаар сарын 06-нд сулласан. 

Одоогоор дээрх холбогдох хэрэг нь эцэслэн шийдвэрлэгдээгүй байгаа ч УИХ-ын гишүүн асан Ж.Батзандан хилийн дээс алхжээ. 

Хөгжлийн банкны асуудлаар нийт 80 гаруй хүнийг яллагдагчаар татсан билээ.