"Бүргэдийн баяр 2023" наадмын шилдэгүүд тодорлоо

Нийслэлийн Аялал жуулчлалын газар, Монголын бүргэдчид холбоо ТББ, "Чингис хааны хүрээ" аялал жуулчлалын цогцолбор газартай хамтран “Бүргэдийн баяр” арга хэмжээг 2023.03.04,05- ны өдрүүдэд "Чингис хааны хүрээ" аялал жуулчлалын цогцолборт зохион байгуулагдлаа. Хоёр хоног үргэлжилсэн бүргэдийн баярын шилдгүүд тодорлоо. 

• Зоос шүүрэх тэмцээний ялагч Төв аймгаас оролцож байгаа бүргэдчин Э.Батбилэг
• Тулам булаалдах тэмцээний ялагч Баян-Өлгий аймгийн Сагсай сумаас оролцож байгаа бүргэдчин С.Женисбек
• Бүргэдээ гаршуулж, сургасан байдлаар нь 3-р байранд Баян-Өлгий аймгийн Сагсай сумаас оролцож байгаа бүргэдчин Б.Хайзым, 2-р байр Улаан хус сумаас оролцож байгаа бүргэдчин И.Баглан нар шалгарсан бол Наадмын шилдэгээр Сагсай сумаас оролцож байгаа бүргэдчин К.Наурызбек нар шалгарлаа.

  

Хаврын улирал, Наурызын баярыг угтан Казак үндэстнийхээ ёс зан заншил, өв уламжлал, дахин давтагдашгүй өвөрмөц соёлыг сурталчлан таниулахын зэрэгцээ залуу үедээ өвлүүлэн үлдээх, гадаад, дотоодын жуулчдыг татах, нийслэлийн иргэдийн амралт, чөлөөт цагийг зөв боловсон өнгөрүүлэхэд тус арга хэмжээний зорилго оршино.

Тэмцээн уралдаан

- Бүргэдтэй парад (Хамгийн сайхан үндэсний хувцастай, бүргэдтэй, морины тоноглолтой бүргэдчиний шалгаруулалт)

- Бүргэдээр шырга /хиймэл өгөөш/ бариулах тэмцээн

- Бүргэдээ хэрхэн сайн сургасан байдлыг шалгаруулах тэмцээн

- Казак үндэсний тоглоом (көкбар-тулам булаалдах, газраас зоос шүүрэх тэмцээн)

Үзүүлбэр, үйлчилгээ

- Морьтон баатрын шоу тоглолт

- Харцага шонхор шувуудын шоу тоглолт

- Тэмээ унах

- Бүргэд шувуу болон тэмээтэй зураг даруулах

- 360 камераар зураг даруулах

- Худалдааны хэсгээр зочлох

- Галын наадам, тойром бүжиг төрлөөр явагдсан юм.