О.Чинзориг: Тээврийн хэрэгслүүдэд цахим гэрчилгээ олгож эхэллээ

М.Төгөлдөр
2023/03/02

Улаанбаатар хотын түгжрэлийг бууруулах хүрээнд замын хөдөлгөөнийг нэгдсэн зохион байгуулалтад оруулах зорилгоор өнөөдөр тээврийн хэрэгслүүдэд цахим гэрчилгээ олгож эхэлсэн. Үүнтэй холбогдуулан Нийслэлийн Цахим хөгжил, мэдээллийн технологийн газрын дарга О.Чинзоригоос зарим зүйлийг тодрууллаа.

-Тээврийн хэрэгсэлд цахим гэрчилгээ олгох ажил ямар шатандаа явж байна вэ?

-Улаанбаатар хотын замын хөдөлгөөний түгжрэлийг бууруулах зорилгоор нийслэлийн удирдлага цогц арга хэмжээ авч байгаа. Энэ хүрээнд хийж буй нэг томоохон ажил бол нийслэлийн зорчих хөдөлгөөнийг зохион байгуулах нэгдсэн тогтолцоо юм. Үүнд зөвхөн RFID бус, камер, зогсоолын ухаалаг систем, товчоод, төлбөр тооцооны цахим систем зэрэг системүүд багтаж байна. Өнөөдөр буюу гуравдугаар сарын 1-нээс эхний ээлжинд төрийн өмчийн болон нийтийн тээврийн хэрэгсэлд цахим гэрчилгээ олгож эхэллээ.

-Нийт хэдэн тээврийн хэрэгсэлд цахим гэрчилгээ олгох вэ? Энэ ажил хэр хугацаанд үргэлжлэх вэ?

-Гуравдугаар сарын 1-ний байдлаар мэдээллийн санд бүртгэлтэй байгаа бүх тээврийн хэрэгсэлд зургадугаар сарын 1 гэхэд олгож дуусгахаар төлөвлөн ажиллаж байна. 

-Цахим гэрчилгээ олгосноор ямар давуу тал гарах вэ? Үүний тусламжтайгаар юу хийх боломжтой вэ?

-RFID технологийг дэлхийн хотууд 20-30 жилийн өмнөөс ашиглаж эхэлсэн. Уг технологийг зорчих хөдөлгөөнийг зохион байгуулах, хяналт тавих, түгжрэлийг бууруулахад ашигладаг. Иргэд нээлттэй мэдээ мэдээллийг авч, тухайн цаг хугацаанд замын хөдөлгөөний ямар байгааг харж болно. Түүнчлэн яг тухайн үед хаалттай байгаа болон осол аваар гарсан зам, нийтийн тээврийн зогсоолууд зэрэг зам тээврийн бүхий л мэдээллийг харах боломжтой. Энэ хүрээнд иргэдэд зориулсан Yandex, Google гэх мэт олон улсын систем шиг веб хувилбаруудыг бид мөн нэвтрүүлж байгаа. Цахим гэрчилгээг олгосноор тус ухаалаг систем ажиллаж эхлэх юм.

-Цахим гэрчилгээгээр дамжуулан иргэдийн хувийн мэдээллийг авах гэж байна гэсэн мэдээлэл олон нийтийн дунд гарч байна. Энэ үндэслэлтэй юу?

-Цахим гэрчилгээ нь иргэдтэй холбоотой мэдээллийг цуглуулахгүй, тухайн иргэнд бус зөвхөн тээврийн хэрэгсэлд суурилуулах, радио давтамжаар ажиллах төхөөрөмж юм. Иймд дуу болон дүрс дамжуулахгүй, тээврийн хэрэгсэлд хэн сууж явааг мэдэх боломжгүй.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС


1
angry
0
care
0
haha
0
liked
0
love
1
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Уяачдын наадамд манлай уяач М.Цэрэнжавын хүрэн халзан түрүүллээ 5 цагийн өмнө
Томоохон голуудын усны түвшин өмнөх өдрөөс 5-10 см-ээр нэмэгдсэн байна 5 цагийн өмнө
Сэрэмжлүүлэг: Архангай, Өвөрхангай, Булганы залгаа нутгаар аадар бороотой 7 цагийн өмнө
Гачууртад шүлхий өвчин гарч, хорио цээрийн дэглэм тогтоолоо 8 цагийн өмнө
У.Хүрэлсүх: Хаана эв нэгдэл байна, тэнд хүч чадал оршдог 8 цагийн өмнө
Улаанбаатарт оройдоо дуу цахилгаантай аадар бороо орно 8 цагийн өмнө
Баяр наадмын үеэр 3700 цагдаагийн алба хаагч ажиллаж байна 2025/07/11
ОБЕГ: ​Хүй долоон худагт автомашин шатаж, галыг шуурхай унтраасан 2025/07/11
​Монгол Улсын Ерөнхийлөгч У.Хүрэлсүх Үндэсний их баяр наадмыг нээж үг хэллээ 2025/07/11
Наадмын амралтаар хоолны хордлогоос сэргийлэхийг ХӨСҮТ-өөс зөвлөж байна 2025/07/11
Хурдан азарганууд гараанаас мордлоо 2025/07/11
Баярын өдрүүдэд дараах өрхийн эмнэлгүүд ажиллана 2025/07/11
Өнөөдөр азарга, их насны морьд хурдална 2025/07/11
Улаанбаатарт 27 градус дулаан байна 2025/07/11
НИТХ-ын дарга А.Баярын урилгаар Сөүл хотын ИТХ-ын дарга айлчлал хийж байна 2025/07/10
“Тайга фестиваль 2025” Хөвсгөлд болно — Байгалийн цэнгэг агаар, тунгалаг нуурын эрэгт “Хөвсгөл Тайга” жуулчны бааз та бүхнийг урьж байна 2025/07/10
Түймрийн голомтод 406 хүн унтраах ажиллагааг зохион байгуулж байна 2025/07/10
Наадмын өдрүүдэд зах, худалдааны төвүүдийн ажиллах хуваарь 2025/07/10
Наадмын өдрүүдэд Хүй долоон худаг, Төв цэнгэлдэх хүрээлэн рүү автобус үнэгүй явна 2025/07/10
Улаанбаатар хотод бага зэргийн бороо орно 2025/07/10