“Токио тунхаглал 2023” хамтарсан мэдэгдэл гаргалаа

М.Төгөлдөр
2023/03/02

-Шударга, хүртээмжтэй нийгмийг цогцлооход дэлхийн хотууд нэгдэнэ-

“G-NETS буюу Тогтвортой хөгжлийн төлөөх дэлхийн хотуудын сүлжээ” Хотын дарга нарын форум Японы Токио хотноо болж өнгөрлөө. Дэлхий дахинд, хүн төрөлхтөнд, хотуудад тулгамдаж буй асуудлууд, бэрхшээл сорилтуудыг хамтдаа даван туулах талаар хэлэлцэж, цаашид шударга, тогтвортой нийгмийг бүтээхийн төлөө хотын удирдлагууд туршлагаасаа хуваалцан, хэлэлцүүлэг өрнүүлсэн юм. Цаашдын хамтын ажиллагаанд шинэ гарц нээсэн энэхүү арга хэмжээний оролцогчид 18 заалттай “Токио тунхаглал 2023” хэмээх хамтарсан мэдэгдлийг гаргалаа.

Энэ тунхаглалд илүү хүртээмжтэй, аюулгүй хотыг бий болгох, тогтвортой, шударга нийгмийг цогцлоох заалтуудыг тусгасан. Тухайлбал, жендерийн тэгш эрхийг хангах, хөгжлийн бэрхшээлтэй иргэдэд ээлтэй орчин бүрдүүлэхэд анхаарах талаар онцолсон юм. Мөн байгалийн гамшгийн хор хохирлыг бууруулах, тухайлбал Турк, Сирид болсон газар хөдлөлтийн хохирлыг арилгахад хотууд нэгдэн туслах санаачилгыг энэхүү тунхаглалд багтаав.

Токио хотын Захирагч Юрико Коикэ:

-Уур амьсгалын өөрчлөлт, агаар, ус, хөрсний бохирдол, хог хаягдал зэрэг бидэнд тулгамдаж буй асуудал нийтлэг. Цаашид эдгээр асуудал, бэрхшээлийг хамтдаа даван туулж, сайн туршлага, шинэ санаачилгаа хуваалцахаар дэлхийн таван тивээс 30 гаруй хотын төлөөллийг оролцуулсан “G-NETS” форумыг зохион байгууллаа. Оролцогчдын олонх нь цар тахал болон Орос-Украины дайнаас үүдсэн бэрхшээл, тэр дундаа эрчим хүчний хямралын талаар онцолж байна. Мөн хүн амын хэт төвлөрөл, насжилт, төрөлт буурах, байгаль экологийн тэнцвэр гээд адил төстэй асуудлууд  бүгдэд тулгарч буй нь уулзалтаас харагдаж байна.

Токио хотын зүгээс форумын оролцогч, зочдод хэрэгжүүлж буй бодлого, бүтээн байгуулалт, дэвшилтэт технологио танилцуулсан. Мөн бусад хоттой туршлагаа хуваалцаж хэлэлцсэнээр олон асуудлыг шийдэх гарцыг олж харлаа. Цаашид “G-NETS”-ийн үйл ажиллагааг өргөжүүлэхээр Ажлын хэсэг гаргаж, хотуудын хөгжилд хувь нэмэр оруулахын төлөө ажиллана. Тухайлбал, ирэх оны тавдугаар сард “G-NETS” олон улсын хурлыг  хоёр дахь удаа зохион байгуулна хэмээлээ.

НИТХ-ын төлөөлөгч, Улаанбаатар хотын хөгжлийн корпораци ХК-ийн гүйцэтгэх захирал Н.Баярчимэг “Дэлхийн хотууд тогтвортой, хүртээмжтэй нийгмийг цогцлоож, иргэддээ, байгаль орчинд ээлтэй шийдлүүдийг хэрэгжүүлэх, энэ чиглэлд гарч буй шинэ санаачилгыг дэмжих дээр форумын оролцогчид санал нэгдэж байна. Мөн цаашид хамтын ажиллагаагаа тэлэх, спорт, урлаг, нийгэм, залуусын хөгжилд чиглэсэн хөтөлбөрүүдийг хэрэгжүүлэх боломжийн талаар бид санал солилцлоо” гэсэн юм.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Говийн бүсийн зөвлөлд хэн хэн багтав? 6 цагийн өмнө
Н.Учрал: Нэг сарын дотор 1XBET-ээр 16.6 сая ам.доллар гарчихлаа. Тиймээс хугацаа алдмааргүй байна 7 цагийн өмнө
Ерөнхий сайд Л.Оюун-Эрдэнийн тэргүүлдэг Хүүхдийн төлөө үндэсний зөвлөл шинэчилсэн бүрэлдэхүүнээр хуралдаж байна 7 цагийн өмнө
JCI Эко салбар байгууллагын “Залуу Ой” төсөл 8 дахь жилдээ 8 цагийн өмнө
Улаан нуурын экосистемийг сэргээх “Цагаан бургастай-Онги усан цогцолбор” төсөл хөдөлж эхэллээ 10 цагийн өмнө
Танилц: Энэ сард тэтгэвэр, тэтгэмж олгох хуваарь 11 цагийн өмнө
Шадивлан зуслангийн авто замаас Петровис ШТС хүртэлх авто замыг хаана 11 цагийн өмнө
Мах, сүүн бүтээгдэхүүн, өндөгнөөс эмгэг төөрүүлэгч, нянгийн бохирдол, хөгц зэрэг зөрчил илэрчээ 11 цагийн өмнө
Г.Лувсанжамц: Нийслэлийг 14 хот болгож задлах асуудалд төвлөрөх бус, дэд бүтцийг тэлэхэд анхаарах ёстой 11 цагийн өмнө
Д.Нямхүүг цагаатгасныг хүчингүй болгуулах прокурорын эсэргүүцлийг УДШ нөгөөдөр хэлэлцэнэ 11 цагийн өмнө
П.Сайнзориг: Хотыг хувааж тоглох гээд байгаа зүйл байхгүй 12 цагийн өмнө
УИХ-ын гишүүн Ө.Шижир, Тавантолгойн орд газартай холбоотой баримт мэдээллийг цувралаар хүргэнэ 12 цагийн өмнө
Шадар сайд Т.Доржханд Азийн хөгжлийн банкны Захирагчдын уулзалтад оролцлоо 13 цагийн өмнө
Өөрчлөлтийн төлөө нэгдэж байна 13 цагийн өмнө
Нийслэлийн төвийн зургаан дүүрэгт 1278 ТҮЦ-ийг нүүлгээд байна 14 цагийн өмнө
Танилц: Зуны 3 сар цаг агаар ямар байх вэ 14 цагийн өмнө
Танилц: Өнөөдөр цахилгаан хязгаарлах байршлууд 14 цагийн өмнө
Ц.Баатархүү: Гадаадад буй монголчууд цахимаар саналаа өгөх боломжийг судлаж байна 14 цагийн өмнө
Ахмадууд: Төр ахмадууддаа харгис хандаж байна. Тэтгэвэрийн зээл олгож, хүүг нь бууруулах хэрэгтэй 15 цагийн өмнө
А.Алтанзул: Боксын спортоороо тууштай хичээллэнэ. 2032 оны олимпыг зорьж байна 16 цагийн өмнө