Улаанбаатар хотын замын хөдөлгөөний ачаалалд томоохон зах худалдааны төвүүд рүү чиглэсэн зорчилт хэрхэн нөлөөлж байгааг тухайн худалдааны төвүүдийн ойр орчмын уулзвар замын хяналтын телекамераар хийсэн тээврийн хэрэгслийн тооллого судалгаанд үндэслэн судалгаа хийжээ.
Нарантуул ОУХ-ны төвөөр үйлчлүүлдэг иргэд, тээврийн хэрэгслийн тоо
- Өдөрт үйлчлүүлдэг иргэдийн тоо: - 80000-с 100000 орчим хүн
- - 150000 хүн (баяр ёслолын өдрүүдээр)
- Худалдаа үйлчилгээ эрхлэгчдийн тоо: - 9500 орчим
- Авто зогсоолын багтаамж: - 2000 гаран тээврийн хэрэгсэл
- Өдөрт орж гардаг тээврийн хэрэгслийн тоо: - 18000-с 20000 тээврийн хэрэгсэл
Томоохон худалдааны төв дагасан хэт их төвлөрөл нь түгжрэл үүсэх бас нэг шалтгаан болж байгааг дээрх баримтаас харагдаж байна. Зах худалдааны төвүүд зогсоолын асуудлаа бүрэн шийдээгүй, бага багтаамжийн зогсоол нь ажилтнууд болон худалдаа эрхлэгчдийн хувийн унаагаар дүүрчихдэг. Үүнээс үүдэж зогсоол хайсан үйлчлүүлэгчдийн хэт их төвлөрөл зэрэг нь түгжрэл үүсэх шалтгаан болж буй.
Улаанбаатар хотод үйл ажиллагаа явуулдаг томоохон зах, худалдааны төвүүд нь хотын төвийн гол гудамж зам дагуу байрладаг. Энэ нь ойролцоох уулзвар замын хөдөлгөөнд шууд нөлөөлж замын хөдөлгөөний хэт их ачаалал үүсгэх томоохон хүчин зүйл болж байна.
Зах худалдааны төвүүд хэвийн ажиллаж байсан болон ӨББЗ-т шилжсэн ажиллаагүй байх үеийн замын хөдөлгөөний нөхцөл байдлыг харьцуулан авч үзвэл тээврийн хэрэгслийн зорчилт Нарантуул зах болон 100 айлын барилгын материалын худалдааны төвүүд 24–27%-иар, Хар хорин зах, Бөмбөгөр худалдааны төв, Барс худалдааны төв 14-16%-иар буурсан үзүүлэлттэй байна.
Үүнээс гадна цаг үеийн шинж чанараас хамааран тус худалдааны төвүүд рүү чиглэсэн зорчилт харилцан адилгүй байдаг. Тухайлбал өвлийн улиралд 100 айлын барилгын материалын төвүүдээр үйлчлүүлэх иргэдийн тоо буурч дулааны улиралд нэмэгддэг. Харин бусад зах худалдааны төвүүдийн хувьд жилийн 4 улиралд нэгэн хэвийн тогтмол ачаалалтай байдаг.
Иймээс томоохон зах худалдааны төвүүдээс үүдэлтэй замын хөдөлгөөний ачааллыг бууруулах арга хэмжээг зайлшгүй авч хэрэгжүүлэх шаардлагатай байна.
ЦААШИД АВЧ ХЭРЭГЖҮҮЛЭХ АРГА ХЭМЖЭЭ:
- Зах худалдааны төвүүдийн ажиллах цагийн хуваарьт өөрчлөлт оруулах
- Бараа түгээлтийн үйлчилгээний цагийг замын хөдөлгөөний ачаалалгүй үед хийгдэхээр зохион байгуулах
- Зах худалдааны төвүүдийг шөнө өдрийн цагийн хуваарьт шилжүүлэх
- Шөнийн цагаар ажиллахад түрээсийг хөнгөлөх
- Худалдан авагчдад хямд үнийн сонголт бий болгох
Иж бүрэн хяналтын камерын системийг нэвтрүүлэх:
- Зах худалдааны төвүүд рүү орж гарах тээврийн хэрэгслийг бүртгэх
- Ойр орчмын уулзвар замын зорчилтыг бүртгэн, дата судалгаа үүсгэх
- Худалдаа үйлчилгээ эрхлэгчдийн бүртгэлийг цахимжуулах
- Авто зогсоолын нэгдсэн системтэй болох
- Үйлчлүүлэгчид авто зогсоолыг бүрэн ашиглах нөхцөл боломжийг бүрдүүлэх
- Авто зогсоолуудын дотоод зохион байгуулалтыг сайжруулах
- Авто зогсоол ашиглалтын хугацаанаас хамаарсан төлбөрийн систем бий болгох
- Цахим худалдан авалтыг дэмжих
- Нэгдсэн худалдан авалтын цахим сайттай болох
- Захиалгын бараа хүргэлтийн үйлчилгээг нэвтрүүлэх
- Цахим худалдан авалтанд хямдрал урамшуулал, бонус олгох
- Зорчих хэсэгтэй нэг түвшинд огтлолцож байгаа явган зорчигчийн хөдөлгөөнийг тусгаарлан нүхэн болон гүүрэн гарц гарам байгуулан хөдөлгөөний аюулгүй байдлыг хангах.
Улаанбаатар °C 
Сэтгэгдэл (0)
Сэтгэгдэл бичигдээгүй байна