Д.Амарбаясгалан: Нэг хүнд 10 мянган төгрөгийн ногдол ашиг олгох нь эдийн засагт сөрөг нөлөөтэй

"Эрдэнэс тавантолгой” ХК-ийн ногдол ашгийг тараах боломжгүй гэдэг асуудалд  ЗГХЭГ-ын дарга Д.Амарбаясгалан ийн тайлбар өглөө. 

Тэрбээр  “Эрдэнэс тавантолгой" компани ирэх дөрөвдүгээр сард 400 тэрбум, наймдугаар сард 100 гээд нийт 500 тэрбумын бондын өрийг төлөх ёстой. Мөн төмөр замын төслийн санхүүжилтийн үлдэгдлийн өр төлбөр байна. Эдгээр өрийг төлж барагдуулахгүйгээр цаашаа компани жил бүр алдагдалтай ажиллах нөхцөл болно. Тиймээс Засгийн газар болон Эдийн засаг, хөгжлийн яамнаас зүгээс нэн тэргүүнд "Эрдэнэс тавантолгой” ХК-ийн өр төлбөрийг төлж барагдуулах бодлогыг хэрэгжүүлэх нь зөв гэж үзсэн.  Ингэснээр цааш цаашдаа ард иргэдийн хувьцааг илүү үнэ цэнэтэй болгох тал дээр ажиллах шаардлагатай. 

Тухайлбал 2021 онд "Эрдэнэс тавантолгой” ХК-ийн ашиг 190 гаруй тэрбум төгрөг байсан, үүнээс хувьцаа эзэмшигч нарт 1072 хувьцааны ногдол ашгийг тараахад нэг хүнд 15 мянган төгрөг оногдоно. 2022 оны хувьд компанийн ашиг 110 гаруй тэрбум төгрөгөөс иргэдэд хувьцаа олговол 10 гаруй мянган төгрөг оногдохоор тооцоолол гарсан. Нэг хүнд 10, 15 мянган төгрөгийг хувьцааны ногдол ашиг болгож өгөх нь иргэдэд тийм ч өндөр ач холбогдолтой биш, харин эсрэгээрээ өргөн хэрэглээний бараа бүтээгдэхүүний үнэ нэмэгдэж, инфляци мөн өсөх магадлалтай. Цааш цаашдаа компанийн увьцааг илүү үр ашигтай болгох нь чухал" гэлээ.