Хууль батлагдахаас өмнө 64 койн гарсан, хууль батлагдахад нэмж нэг ч койн гараагүй байна

Виртуал хөрөнгийн үйлчилгээ үзүүлэгчийн тухай хуулийн төсөл хэдийгээр батлагдсан ч  иргэд, хэрэглэгчид криптовалют, койнуудад оруулсан мөнгөө бүгдийг нь алдах, хохирох эрсдэл хэвээр бий. Учир нь дэлхийн аль ч оронд койнтокены зохицуулалт байхгүй. Анх 2021 онд койны талаар Санхүүгийн зохицуулах хороо болон цагдаагийн байгууллагаас сэрэмжлүүлэг мэдээллийг удаа дараа хүргэж байсан. 

Тэгвэл өнөөдөр /2023.02.06/ тус байгууллагууд мэдээлэл хийж, сэтгүүлчдийн асуултанд хариулт өглөө. Өнөөдрийн байдлаар хохирогчдын өргөдөл гомдлыг цагдаагийн байгууллага хүлээн авч шалгаж байна. Гэсэн ч хэргийг шалгахад хугацаа их ордог. Одоогийн байдлаар гадны бирж рүү алдсан байсан криптовалютыг татаж хоёр иргэний 700 орчим сая төгрөгийн хохиролыг төлүүлсэн гэдгийг хэллээ.