Ж.Сүхбаатар: Тээврийн хэрэгсэл бүр цахим гэрчилгээтэй болсноор цагдаа зам дээр гарах шаардлагагүй

УИХ-ын гишүүн,  Хот хариуцсан сайд Ж.Сүхбаатар энэ амралтын өдрүүдэд Чингэлтэй дүүргийн иргэдтэй уулзалт хийлээ. Уулзалтын үеэр тэрбээр Чингэлтэй дүүрэгт хийж байгаа бүтээн байгуулалт, дэд бүтцийн ажлууд ямар шатанд явааг танилцуулав. Иргэдийн зүгээс  автомашины татвар, торгууль, түгжрэлгүй бүс, нийтийн тээврийн шинэчлэл тойрсон асуудлуудыг тодруулав.

Тэрбээр " Замын хөдөлгөөний зорчилт хөдөлгөөнийг сайжруулах,  зорилгоор  цахим гэрчилгээ унших  RFID төхөөрөмжийг нийслэлийн 161 уулзварт суурилуулсан. Ингэснээр тээврийн хэрэгслийн цахим гэрчилгээг таньж, бүртгэхээс гадна замын хөдөлгөөний танхайрал, дүрэм зөрчих байдал эрс буурч, цагдаа зам дээр гарах шаардлагагүй болох юм" гэлээ.