Н.Учрал: Уул, ус, хадны зурагтай хүн биш хүн хогуудыг би шүүмжилж байгаа

"Олон нийтийн сүлжээнд хүний эрхийг хамгаалах тухай хуулийн 6.3-т Нийтийн албан тушаалтан хүний хувийн мэдээллийг олон нийтийн сүлжээнд зөвшөөрөлгүйгээр нийтлэх, түгээхийг хориглоно гэсэн заалт орсон нь олон нийтийн дунд шүүмжлэл дагуулаад буй. 

Уг заалтын талаар тус хуулийг санаачлагч Цахим хөгжил, харилцаа холбооны сайд Н.Учрал чуулганы хуралдаан дээр тайлбар хийлээ. 

Тэрбээр "Хуулийн 6.3 дахь заалтыг нийгэм буруу ойлгож, шүүмжилсэн. Тийм учраас энэ заалтыг хассан. Мөн нэр бүхий сэтгүүлчдийн санал болгосноор харгалзаж үзэх үндэслэл дээр олон нийтэд нөлөө бүхий гэдэг энэ заалтыг хуулийн төслөөс хассан.

Мөн гүтгэх, доромжлох гэдэг заалт хэвлэлийн эрх чөлөөнд халтай юм гэдэг тодорхой санал өгсөн учраас цахим гадуурхал дотроо буюу хүнийг заналхийлэх гэдэг агуулгаар явж болно гэж үзсэн. Тиймээс энэ хуулиар гүтгэх, доромжлох гэдэг ерөнхий агуулгыг анхнаасаа хуульчилж өгөөгүй. Зөрчилтэй контент дотор 11 заалт хамаарч байгаа учраас энд ямар ч асуудал одоо үүсэхгүй. Хэвлэлийн эрх чөлөөнд халтай биш. Төрийн үүргийг 80 хувь хуульчилсан, хохирогчдыг хамгаалах хууль болсон.Өнөөдөр гэхэд таван өмгөөлөгч надад хандсан. Манай хүүхдүүд рүү садар самууныг сурталчилсан, үүнээс үүдэж асуудал үүсч байна гэж хандлаа. Би тэр троллууд буюу уул, ус, хадны зурагтай байгаа хүн биш хүн хогуудыг би шүүмжилж байгаа. Тийм учраас тэр троллууд  битгий энэ асуудалд оролц. Цахим залилан цаг, минут тутам өсч байна. Тийм учраас энэ хуулийг батлах шаардлагатай" гэлээ. 

Үдээс хойш чуулганы хуралдаанаар дээрх хуулийн төслийг батална.