Нүүрс тээврийн компаниудыг чирэгдүүлсэн Гашуунсухайт боомтын төлөөлөгч Ш.Эрдэнэжаргал, Б.Наранхүү нарыг 48 цагийн хугацаатай баривчилжээ

БНХАУ ковидын нөхцөл байдлаас үүдэж нүүрс тээврийн жолооч нарыг  халдвар хамгааллын дэглэм мөрдүүлэн, өөр бусадтай хавьталд оруулахгүйгээр бөмбөлөг тээврээр нүүрсээ хил давуулах шаардлагыг тавьсан. Манай улсаас ч уг шаардлагыг ковидын үед мөрдөн  БНХАУ руу нүүрсээ гаргаж байсан. Харин БНХАУ энэ оны нэгдүгээр сарын 08-наас эхлэн хилээ нээж, улмаар бөмбөлөг үүсгэх шаардлагагүй болсон. 

Эх сурвалжийн мэдээллээр БНХАУ хилээ нээж, бөмбөлөг үүсгэх шаардлагагүй байхад бөмбөлөг үүсгэж нүүрс тээврийн компаниудад хохирол учруулсан  байж болзошгүй гэх үндэслэлээр Боомтын захиргааны Гашуун Сухайт боомт дахь төлөөлөгч Ш.Эрдэнэжаргал, Б.Наранхүү нарыг 48 цагаар Ханбогд суманд байрлах цагдан хорих байранд баривчилжээ.