АН-ын даргад З.Нарантуяа нэр дэвшиж байна

АН-ын даргад нэр дэвшигчдэд үнэмлэхийг нь гардуулж байна. Намын даргад С.Баярцогт, Л.Гантөмөр, С.Одонтуяа нар нэр дэвшиж байгаа аж.

Энэ үеэр нэр дэвшигч З.Нарантуяа хэлэхдээ  тэрбээр  "Сүүлийн гурван жил угжирсан намын асуудлаа шийдэхэд эмэгтэй хүний мяндсан ухаанаа гаргаж ажиллана. Эрчүүд маань харилцан учраа ойлголцож, эв нэгдлийн төлөө бүгд нэгдэж байгаа. АН-ын даргын сонгуульд анх удаа нэр дэвшиж байна. Бид улс төрийн идэвхтэй үйл ажиллагаагаа явуулна. Улс төрд туршлага чухал. Дээд, доод, дунд үеийн харилцан зохицол хэрэгтэй. АН-аа эв нэгдэлтэй, талцал, хуваагдалгүй, хүчирхэг улс төрийн хүчин болгохын төлөө хичээн ажиллана. Энэ удаагийн дотоод сонгууль өөр өнгөөр явагдана гэж харж байгаа. Өмнө нь фракцуудын хооронд гишүүддээ хайрцаглаж дотоод сонгууль болдог байсан бол энэ удаад бүх гишүүдэд сонголт өгсөн сонгууль болох учиртай" гэлээ.