Лу.Гантөмөр: Би С.Эрдэнэ, Х.Баттулга нартай өнөөдөр уулзсан, намынхаа гурван үеийг холбож чадах хүн нь би

АН-ын даргад нэр дэвшигчдэд үнэмлэхийг нь гардуулж байна. Намын даргад С.Баярцогт, Л.Гантөмөр, С.Одонтуяа нар нэр дэвшиж байна. 

Маргааш өглөө АН-ын Үндэсний бодлогын хороо хуралдаж, үргэлжлүүлэн АН-ын Их хурал хурлаар АН-ын шинэ даргыг батламжилна. 

АН-ын даргад нэр дэвшигч Лу.Гантөмөр "Бидний эвлэрлийн цэг бол ард түмний эрх чөлөө, Монголынхоо ардчиллыг хамгаалахын тулд хүчтэй сөрөг хүчин болж ажиллах шаардлагатай. Төр, нийгмийн ажил гурван үеийн холбоосоор явна. Миний хувьд өнгөрсөн хугацаанд гурван удаа парламентад орж ажилласан учраас дээд үеийн зовлон жаргалыг хамгийн сайн мэдэх дунд үеийн төлөөлөл. Залуучуудын байгууллагыг удирдан ажиллаж байсан учраас дараагийн үеэ бэлдэх туршлага надад байгаа" гэлээ.