Г.Занданшатар: Хүүхдийн мөнгө бол хүүхдийн мөнгө, бүртгэл нь будилаантай бол бүх юм нь будилаантай байна гэсэн үг

Хүүхдийн мөнгөн тэтгэмжийн асуудал иргэдийн шүүмжлэлийг дагуулаад буй. Уг асуудлаар УИХ-ын дарга Г.Занданшатараас тодрууллаа.

Тэрбээр" Хүүхдийн мөнгө бол хүүхдийн мөнгө, ялгаварлахгүй тэгш олгох ёстой гэж би өмнө нь чуулган дээр хэлж байсан. Халамжийн мөнгө бол салгаад зорилтот бүлэгт нь өг, хоёр салгаж болно гэж хэлж байсан. Өнөөдрийн гарсан будилаан бол бүртгэлтэй холбоотой. Манай бүртгэл будилаантай бол бүх юм будилаантай. Бүртгэл болон цахим шилжилтийн асуудалд онцгой анхаарал хандуулах шаардлагатай. Би нарийн учрыг нь сайн мэдэхгүй байна. Бид гүйцэтгэх засаглал биш хууль санаачлах засаглал. Энэ асуудлаар холбогдох байнгын хороонд нь үүрэг чиглэл өгсөн байгаа" гэв.