ХЗДХЯ: Гэр бүлийн хуульд хүүхдийн тэтгэмжийг хувиар тогтоохгүй

УИХ-ын хаврын чуулганы эхэнд өргөн барих Гэр бүлийн тухай хуулиар цус ойртолтын асуудлыг шийдэхийн тулд гэрлэгч хосууд өөрийн аймаг, харьяа дүүргийнхээ эрүүл мэндийн байгууллага дээр очиж, ДНХ-ийн шинжилгээ өгч, ах дүү мөн эсэхээ шинжилгээ өгч байж гэрлэлтийн баталгаа өгдөг болох юм. 

Мөн түүнчлэн хүүхдийн тэтгэмжийг тогтоохдоо ямар нэгэн хувиар тогтоохгүй бөгөөд тухайн гэр бүлийн нөхцөл байдлаас нь хамаарч аргачлалаар тогтоох юм байна. Одоогийн хуулиар 11 хүртэлх насны хүүхдийг амьдралын баталгаажих түвшний 51 хувиар тооцож хүүхдийн тэтгэмж олгодог.

 Гэр бүлийн тухай хуулийн төслийн талаар ХЗДХ-ийн дэд сайд Б.Солонгоос тодрууллаа. 

 Гэр бүлийн тухай хууль анх 1973 онд батлагдаж байсан бөгөөд 1999 онд шинэчлэн найруулсан. Үүнээс хойш дорвитой өөрчлөлт ороогүй тул дээрх хуульд нийгэм, эдийн засгийн шаардлагаар зайлшгүй шинэчлэх нөхцөл үүссэн.