Хөгжлийн банкны хэргээр гурван яамны Төрийн нарийн бичгийн дарга яллагдагчаар татагджээ

Хөгжлийн банкны хэргээр 87 хүнийг яллагдагчаар татаж хэргийг нь шүүх рүү шилжүүлсэн талаар мэдээлсэн. Тэгвэл тэдний дунд яамдын Төрийн нарийн бичгийн дарга нар ч багтаж байгаа юм. 

Тодруулбал,

 Эдийн засгийн хөгжлийн яамны Төрийн нарийн бичгийн дарга, Хөгжлийн банкны ТУЗ-ын дарга Б.Шинэбаатарыг Эрдэнэс Монгол, Бэрэн групп, Нью яармагт олгогдсон зээлтэй холбогдуулан эрүүгийн хуулийн 22.1.2 дахь заалтыг үндэслэн яллагдагчаар татаж цагдан хорих таслан сэргийлэх арга хэмжээ аваад байна. 

Зам тээврийн яамны төрийн нарийн бичгийн дарга Б.Батзаяаг Бэрэн группт олгогдсон зээлийн асуудлаар хилийн хориг тавьж Эрүүгийн хуулийн 22.1.3 дахь заалтад үндэслэн яллагдагчаар татан шалгаж байна. 

Мөн Барилга хот байгуулалтын яамны төрийн нарийн бичгийн дарга С.Магнайсүрэнг Бэрэн групп, Мондулаан трэйд ХХК-д олгогдсон зээлийн асуудлаар Эрүүгийн хуулийн 22.1.3 дахь заалтаар үндэслэн яллагдагчаар татаад байгаа юм.