УИХ-ын гишүүн Н.Алтанхуяг нарын хүмүүст хилийн хориг тавьж, яллагдагчаар татжээ

Хөгжлийн банкны зээлтэй холбоотой асуудлаар Шинэчлэлийн засгийн газрын тэргүүн асан, одоогийн УИХ-ын гишүүн Н.Алтанхуяг, болон Эдийн засаг, хөгжлийн сайд асан Н.Батбаяр нарыг яллагдагчаар татжээ. Мөн тэдэнд хилийн хориг тавиад байгаа юм. Ингэхдээ Эрдэнэс монгол ХХК, Бэрэн групп ХХК-ийн зээлд хамааралтай гэж үзжээ.  

Хөгжлийн банкны чанаргүй зээлийн талаас илүү хувь буюу 960 тэрбум төгрөгийн зээл Хөгжлийн банкны захирал асан Н.Мөнхбатын үед гарсан бөгөөд энэ нь Н.Алтанхуягийг Шинэчлэлийн Засгийн газрын тэргүүнээр ажиллаж байх 2012-2014 онтой давхцдаг юм. Н.Мөнхбат нь УИХ-ын гишүүн асан фортуна Н.Батбаярын хүн гэгддэг бөгөөд Н.Батбаяр нь Н.Алтанхуягийн Засгийн газрын үед Эдийн засаг, хөгжлийн сайдаар ажиллаж байсан нь тэдний хамаарлыг харуулж байна. Үүний дээр тухайн үеийн Хөгжлийн банкны тухай хуулиар банкны удирдлагыг томилох бүрэн эрхийг  Засгийн газарт хуулиар олгосон байдаг бөгөөд тодруулбал Н.Алтанхуяг Н.Мөнхбатыг Хөгжлийн банкны захирлаар томилсон гэсэн үг юм.

Хөгжлийн банкнаас авсан зээлийн эргэн төлөгдөөгүй үлдэгдэл Бэрэн групп 43,7 тэрбум, Эрдэнэс Монгол ХХК 151 тэрбум.