Э.Бат-Амгалан: Би архи уудаггүй, найтааж байгаа зургийг сошиалд тавьсан байна лээ

Хууль зүйн байнгын хорооны хуралд “агсам тавьсан” гэх Э.Бат-Амгалан гишүүнээс манай сэтгүүлч тодруулга авлаа. Тэрбээр байнгын хорооны хурлын үеэр УИХ-ын гишүүн Б.Пүрэвдоржид зүй бус үг хэлж, “гараад ир, чамайг ална” гэх зэргээр орилж хашхирсан гэх шүүмжлэлийг дагуулаад байгаа.

Э.Бат-Амгалан гишүүн хэлэхдээ, би огт архи амсдаггүй. Намайг таньдаг хүмүүс бүгд мэдэж байгаа хэрэв архи уусан бол уучлал гуйх чадвар надад байгаа. Б.Пүрэвдорж гишүүнтэй маргаж, чанга дуугаар ярьсан нь үнэн. Ганц нэг зураг аваад нийгмийн сүлжээнд тавьсан байна лээ гэж тайлбарлав.