С.Бямбацогт: УБТЗ-ын ачаа, тээвэр хариуцсан бүх дарга нарт хариуцлага тооцох чиглэлийг өгсөн, ОХУ-ын тал ч асуудлыг мэдсэн

Ерөнхий сайд Л.Оюун-Эрдэнэ "Төрийн алба цомхон бүтэцтэй байх, албан хаагчид цалин хангамж өндөр байх ёстой гэдэгтэй санал нэг байна. Цалинг өндөр болгоно. Төрд үүрлэсэн авлигачидтай тэмцэх ажил цаашид үргэлжилнэ. Хэт өндөр хэрэглээтэй орлогоо нотолж чадахгүй байгаа төрийн албан хаагчидтай тэмцэх цаг болсон. Авлигаар хөрөнгөжсөн төрийн албан хаагчдад хяналт тавина. Нийтэд ч зарлана.

Төмөр зам, тээвэр логистиктой холбоотой салбарын дарга нар болгоомжтой байгаарай. Дараагийн бөмбөг тэсэрнэ шүү" гэж мэдэгдснээс хойш төд удалгүй УБТЗ-ын ТЗБА-ны дарга С.Батдөлийн гэрээс бэлэн мөнгөөр 7,3 тэрбум төгрөг гарч ирж улмаар өнөөдөр шүүхээс түүнийг нэг сар цагдан хорихоор болсон. 

Уг асуудалд салбарын сайдаас нь тодруулахад "УБТЗ-ын ачаа, тээвэр хариуцсан бүх дарга нарт хариуцлага тооцох чиглэлийг өгсөн, ОХУ-ын тал ч асуудлыг мэдсэн" гэсэн юм.