Г.Амартүвшин: Ц.Даваасүрэн энэ танхимд шантаажийн улстөрөөр танигдсан, одоо бүрэлдэхүүнд нь орж ирж байна

Ерөнхий сайд Л.Оюун-Эрдэнэ намын Удирдах зөвлөлөөс Засгийн газарт орж ажиллуулахаар дэмжсэн нэр дэвшигчдийг танилцуулж байна. Гишүүд шинээр томилогдох гэж буй сайдуудаас асуулт асууж, хариулт авч байна. 

УИХ-ын гишүүн Г.Амартүвшин Барилга хот байгуулалтын сайдаар дэмжигдсэн Ц.Даваасүрэн гишүүнийг сайдад томилж буйг буруу шийдвэр гэж үзэж буйгаа хэлж, шүүмжиллээ. Тэрбээр "Өнгөрсөн хугацаанд Ц.Даваасүрэн гишүүн энэ танхимд шантаажийн улстөрөөр танигдсан. Дандаа гишүүдийг харлуулдаг, дайрдаг. Өмнө нь сайдаар ажиллаж байсан. Энэ ЗГ-ын бүх зүйлсийг эсэргүүцсэн. Гэтэл одоо бүтцэд нь орох гэж байна. Миний хувьд энэ хүнийг сайдаар оруулж ирж байгааг оновчгүй сонголт гэх байна" хэмээсэн юм.