Х.Нямбаатар: Иргэн Г.Ган-Очирыг эмэгтэй хүний халдашгүй эрхэд халдсан учраас зургаан сараар баривчилсан юм билээ

2022 оны арванхоёрдугаар сарын 28-нд Франц улсад суудаг Монгол иргэд уулзаж, баярлах үеэр иргэн Г.Ган-Очир агсам тавьж, өөрт нь шаардлага тавьсан эмэгтэйг зодож улмаар Франц улсын шүүхээс түүнд 6 сарын ял оноосон тухай бид мэдээлсэн. 

Тэгвэл энэ талаар Хууль зүй, дотоод хэргийн сайд Х.Нямбаатараас тодруулахад "Иргэн Г.Ган-Очир хүний халдашгүй эрхэд халдсан гэдэг мэдээлэл тус улсын цагдаагийн байгууллагад ирсэн байсан нь үнэн. Хэрэг бүртгэлийн ажиллагаа явагдаад зургаадугаар сарын 24-н хүртэл шүүхийн шийдвэрээр баривчилсан. Хохирсон хүмүүсийн тухайд эмэгтэй хүмүүс байсан гэсэн мэдээлэлтэй байна" гэсэн юм.